EL MEIO GIÙDICE Honório Tonial
- Mi son el mèio giùdice del mondo, El pi giusto e el pi profondo...!
- Sarà fàcile catarte? Da partuto te si de star In ogni ora e in qualque parte Sempre atento a giudicar..! Volaria dimandarte: - Chi sito, in verità
E parque tuti i te obidirà?
- Mi son el mèio giùdice del mondo, El pi giusto e el pi profondo..!
Te sarè la vita, te sarè la morte? .La eternità e el pi curto momento? Te sarè le stele del firmamento? I fiori de tute le sorte? Te sarè tuto e no te sarè gnente? Sempre distante de tuta la gente E al stesso tempo, sempre presente?
- Mi son el mèio giùdice del mondo El pi giusto, el pi profondo..!
Saretu zóveno o vecio?
- Qual sarala la to età?
Saretu el scomìnsio, la zuventù, la ansianità?
Saretu i di, i mesi, i ani, i menuti, i secondi?
El spuntar del sol, el buto dea semensa?
El oseleto ntel gnaro? La farfaia picinina?
La tampesta , i troni e la spiovesina?
- Mi son el mèio giùdice del mondo. El pi giusto e el pi profondo...!
Quando mi penso, te me vedi e te me scolti?
Quando dormo, ti te veli par mi?
Te acompagni i me insònii
Fin che sciarissa el di?
Chi saretu ti?
Al alba o spuntar del sol ?
Te me ciami sensa oze
Farò el segno dea crose?
Parlarò mi sol:
Mi son el mèio giùdice del mondo... El pi giusto e el pi profondo...!
La sapiensa, le richesse, La risserca e le belesse... La invìdia e la vendeta La ingiustìssia e el pecà, La gelosia e la carità Le virtù e la pietà, La pace e la confusion Tuto riceverà La tua giudicassion?
Mi son el mèio giùdice del mondo El pi giusto e el pi profondo..!
No te ocore avocato E gnanca testimònio ? No te sarè gnanca um Dio E, manco in cora, el Demônio? Sareto um spírito, un insònio? El diman o el di drio?
Mi son el mèio giùdisse del mondo El pi giusto e el pi profondo..!
Par spiegar a la tua coriosità
E eternamente non continuar...
Me fermo quà, par te sfidar
A catar solo na parola
Una mìsera e sola
Che col me nome la venha rimar?
Mi son el mèio giùdice de mondo
El pi giusto e el pi profondo ..!
TE SARÈ EL VENTO..?
Speta um momento. El to pensamento El vien pròpio darente. Ma mi son ben diferente...
MI SON : EL TEMPO..!