Qhichwa
Runa indio ñisqap Machunkuna ñawpa qillqakta yachanman karqa chayqa hinantin kawsasqankunapas manam kanankamapas chinkaykuq hinachu kanman. Imanam wiraquchappas sinchi kasqanpas kanankama rikurin hinataqmi kanman. Chayhina kaptinpas kanankama mana qillqasqa kaptinpas kaypim churani kay huk yayayuq Waruchiri ñisqap machunkunap kawsasqanta ima fiyniyuqcha karqan imahina kanankamapas kawsan. Chay chaykunakta chayri sapa llaqtanpim qillqasqa kanqa imahina kawsasqanpas paqarisqanmanta. Template:mid2 Quechua
Runa yn.o ñiscap Machoncuna ñaupa quillcacta yachanman carca chayca hinantin causascancunapas manam canacamapas chincaycuc hinacho canman himanam viracochappas sinchi cascanpas canancama ricurin hinatacmi canman chay hina captinpas canancama mana quellcasca captinpas caypim churani cay huc yayayuc guarocheri ñiscap machoncunap causascanta yma ffeenioccha carcan yma yñah canancamapas causan chay chaycunacta chayri sapa llactanpim quillcasca canca hima hina causascampas pacariscanmanta.
How the idols of old were, and how they warred among themselves, and how the natives existed at that time.
Como fue antiguam.te los ydolos y como guerreo entre ellos y como auia en aquel tiempo los naturales.
Ancha ñawpa Pachaqa huk wak'a ñisqan yananamqa tutañamqa sutiyuq karqan kay wak'akunaktan qhipanpi huk wak'ataq wallallu karuyninchu sutiyuq atirqan ña atispas kanan runacta iskayllata wachakunampaq kamarqan huktas kikin mikhurqan huktas mayqintapas kuyasqanta kawsachikurqan yayan maman chaymantas chay pachaka wañuspapas pichqa p'unchawllapitaq kawsarimpurqan hinaspa mikhuyninri tarpusqanmanta pichqa p'unchawllapitaqsi puqurqan kay llaqtakunari tukuy hinantin llaqtas yunka sapa karqan chaysi ancha achka runakuna hunt'aspas ancha millayta kawsarqa chakranpaqpas qaqaktapas pataktapas yanqa aspispa allallaspa chay chakrakunas kanankamapas tukuy hinantin qaqakunapi huch'uyllapas atunpas rikurin hinaspari chay pacha pisqu kunari ancha sumaqkamas karqan huritupas kakipas tukuy q'illu sapa puka sapa chaykunas
qhipanpi ña may pacham huk hukataq paryaqaqa sutiyuq rikurimurqa chay pachas hinantin runasqanwan antiman karquy tukurqan chay atisqankunakta y k'ipanpim paryaqaqap paqarimusqantawan rimasun chaymantan kanan huk wak'ataq kuniraya sutiyuq kasqa kaytam mana allichu yachanchiq paryaqaqamantapas ichapas ñawpaqnin karqan u k'ipanpas ichaqa kay kunirayap kasqanraqmi ñaqha wiraquchap kasqanman tinqun purqi kaytam runakuna ña muchaspapas quniraya wiraqucha runa kamaq pacha kamaq ima ayqayuq kanmi kampam chakrayki qampaq runayki ñispa muchaq karqan ima ayqa sasa ruranakta qallarispaqpas paytaraqmi machukuna quqanta pachaman wischuspa kayta yuyachiway amutachiway kuniraya wiraqucha ñispa mana wirakuchaktaqa rikuspataq ancha ñawpa rimaq muchaq karqanku yallin astawanraq qumpi kamayuqri qumpinampaq sasa kaptin muchaq kayaq karqan chayraykum kaytaraq ñawpaqninpi kawsasqanta qillqasun chay hawam Paryaqaqakta
Ancha ñaupa Pachaca huc huaca ñiscan yananamca tutañamca sutiyoc carcan cay huacacunactan quepanpi huc huacatac huallallo caruincho sutioc atircan ña atispas canan runacta yscayllata huachacunampac camarcan huctas quiquin micorcan huctas mayquentapas cuyascanta causachicorcan yayan maman chaymantas chay pachaca huañuspapas pihcca punchaollapitac causarimpurcan ynaspa micuyninri tarpuscanmanta pihcca punchaollapitacsi pocorcan cay llactacunari tucoy hinantin llactas yunca sapa carcan chaysi ancha achca runacuna huntaspas ancha millayta causarca chacranpacpas cacactapas patactapas yanca aspispa allallaspa chay chacracunas canancamapas tucoy hinantin cacacunapi huchoyllapas atunpas ricurin hinaspari chay pacha pisco cunari ancha çumaccamas carcan huritupas caquipas tucoy quello sapa puca sapa chaycunas
quepanpi ña may pacham huc hucatac pariacaca sutioc ricurimurca chay pachas ynantin runascanhuan antiman carcoy tucorcan chay atiscancunacta y quipampim pariacacap pacarimuscantauan rimasun chaymantan canan huc huacatac cuniraya sutioc casca caytam mana allicho yachanchic pariacacamantapas hichapas ñaupacnin carcan o quipanpas ychaca cay cunirayap cascanracmi ñahca viracochap cascanman tincon porque caytam runacuna ña muchaspapas coniraya viracocha runa camac pacha camac yma aycayuc canmi campam chacraiqui campac runayqui ñispa muchac carcan yma ayca saça ruranacta callarispacpas paitaracmi machocuna cocanta pachaman vischuspa cayta yuyachiuai amutachiuay cuniraya viracocha ñispa mana viracuchactaca ricuspatac ancha ñaupa rimac muchac carcancu yallin astauanrac compi camayucri compinampac sasa captin muchac cayac carcan chayraycon caytarac ñaupacninpi causaçcanta quillcasson chay hauam Pariacacacta
How Quniraya Wiraqucha acted in his own age. The life of Quniraya Wiraqucha. How Qawillaqa gave birth to his child, and what followed.
Como suçedio Cuniraya Viracocha en su tiempo y como Cauillaca pario su hijo y lo que passo Cuniraya Viracuchap causascan.
Kay quniraya wiraquchas ancha ñawpa huk runa ancha wakcha tukuspalla purirqan yaqullanpas qusmanpas llik'i llik'i sapa runakunapas huskin mana riqsiqninkunaqa wakcha husa sapa ñispas ayaran kay runas kanan tukuy llaqtakunakta kamarqan chakraktapas rimaspallas pata pataktapas allin pirqasqakta tukuchirqan rarqaktas kanan lluqsimunanmanta huk pupuna sutiyuq kañawiralpa sisayninwan chukaspallas yachakuchirqa chaymantari ima ayqaktapas ruraspas purirqan wakinin llaqta wak'akunaktapas yachasqanwan allkuchuspa.
chaysi huk mit'aqa huk warmi qiqataq qawillaqa sutiyuq karqan kay qawillaqas kanan wiñay dunsilla karqan panas ancha sumaq kaptin, Pi mayqan wak'a willkakunapas Puñusaq ñispa munapayarqan chaysi manataq hunirqanchu. Chaymantas kanan qhipanpi chay warmiqa chay hina mana pi karitapas chanqayquchikuspa huk yura ruqmap sikinpi awaqurqan chaysi chay qunirayqaqa amawta kayninpi huk pisqu tukuspa chay yura ruqmaman wichay rirqa chaysi chaypi huk ruqma chayasqa kaptin chayman yumayninta churaspa qurmachimurqa chay warmi kayllaman chaysi chay warmica ancha kusikuspa millpuyqurqan chaysi hinalla chichu tukurqan mana karip chayasqan isqun qillanpi himanam warmikunapas wachaqun hina wachamurqan ina doncellataq chaysi kikillantaq huk wat'a chika ñuñunwan kawsachirqan pip churiñ kayqa ñispa chaysi ña huk wat'aman hunt'aptinqa tawa chaki ña chay warma puriptinqa tukuy hinantin wak'a willkakunakta qayachirqan yayanta riqsikunqanpaq chaysi kay simikta wak'akuna uyarispa ancha kusikuspa tukuynin alli pachanta cama pachallispa ñuqaptapas ñuqaktapas munawanqa ñispa hamurqanku.
chaysi kay tantanakuyri anchiquchapi karqan maypim chay warmi tiyarqan chayman hinaspas ña tukuynin hinantin wak'akuna willkakuna tiyaykuptinsi chay warmiqa ñispa ñirqan ri quy qharikuna apukuna riqsikuy kay wawakta mayqin ñiqichikmi yumawarqankichik qamchu qamchu ñispas sapanpi tapurqan chaysi manataq pillaspas ñuqapmi ñirqanchu chaysi chay ñisqanchik quniraya wiraquchaqa manyallapi tiyakuspas ancha wakchalla hina tiyakuptinsi chay wakchap churinchu kanman ñispas paytaqa millaspa mana tapurqanchu chiqa sumaq kama qharikunaqa tiyaptin chaysi mana pillapas ñuqap churimi ñispa ñiptinsi chay wamrakta ñispa ñirqan ri qam kikiyki yayaykikta riqsikuy ñispa ñirqan wak'akunaktapas churiyki kaspaqa qam hawam lluq'amusunki ñispa ñawpaqtaq willaspa chaysi chay warmaqa manyamanta kallarimuspas tawa chakilla purispa hasta chay huk manyan yayan tiyasqanman chayasqankama mana pillamanpas lluq'arqanchu chaysi ña chayaspaqa tuyllapuni ancha kusikuspa yayanpa chankanman lluq'aykurqa chaysi mamanqa chayta rikuspas ancha pinakuspa hatatay chay hina wakchap churintachum ñuqaqa wachayman ñispan chay wawallanta aparikuspa quchaman chiqacharqan chaysi chay quniraya wiraquchaca tuylla munawanqa ñispa quri pachanta pachallispa tukuy wak'akunapas manchariptin qatita ña kallarirqan ñispa pana qawillaqa kayman qhawaykumuway ancha sumaq ñam kani ñispas pachaktapas illarichispa sayarqan chaysi chay qawillaqaqa mana uyantapas payman tikranchispa quchaman hinallam chinkasaq chiqa millay runap kacha sapap churinta wachasqaymanta ñispa chiqacharqan, maypim kananpas chay pachakamaq huq'u quchapi kananpas sutilla iskay rumi runa hina tiyakun chayman chaysi chay kanan tiyasqanpis chayaspalla rumi tukurqan.
chaymantas kay quniraya wiraquchaqa pana rikurimunqa qhawaykumuanqa ñispa kaparispa kayapayaspa karullapi qhatirqan chaysi ñawpaq huk kunturwan tinkurqan chaysi waki maypim chay warmiwan tinkunki ñiptinsi kayllapi ña qam tarinki ñiptinsi ñispa ñirqan qamqa wiñaymi kawsanki tukuy hinantin sallqakunamanta wañuptinqa wanakuktapas wik'uñaktapas ima aycha kaktapas qamllan mikhunki chaymanta qamta pillapas wañuchisunki chayqa paypas wañunkataqmi ñispas ñirqan.
chaymantas chay hawa añaswan tinkurqan chaysi pana maypim chay warmiwan tinkunki ñispa tapuptinsi payqa ñispa ñirqan mana ñam tarinkichu ancha karuktam rin ñiptinsi qamqa chay willawasqaykimanta manam p'unchawpas purinkichu tutallam runapas chiqñiptin ancha millayta asnaspa purinki ñispa ancha millaypi ñakarqan chay hawam Pumawan tinkurqan chaymi payqa kayllaktaraqmi rin kaylla ñam hiq'iqaykunki ñiptinmi paytaqa qamqa ancha quyasqam kanki llamaktapas huchayuqpa llamantaraqmi mikhupunki qamta wañuchispapas hatun liestapiracmi homan haua churaspa taquechisonque chaymanta huatanpi camta llocsichispari huc llamanta nacasparacmi taquechisonque ñispa ñircan chaymantam ñatac huc hatochuan tincorcan chaymi chay atocca ancha caructa ñam rin mana ñam tarinquicho ñispa ñiptinmi camtaca carupi puricuptinquitacmi runacunapas chacay hatoc acoylla ñispa ancha chicnisonque huañochispari yancam camtaca carayquictapas husuchisonque ñispa ñircan.
Cay cuniraya viracochas ancha ñaupa huc runa ancha huaccha tucospalla purircan yacollanpas cosmanpas lliqui llique sapa runacunapas husquin mana ricsicnin cunaca huaccha husa çapa ñispas ayaran cay runas canan tucoy llactacunacta camarcan chacractapas rimaspallas pata patactapas allin pircascacta tucochircan rarcactas canan llocsimunanmanta huc pupuna sutioc cañaveralpa sisayninhuan chucaspallas yachacuchirca chaymantari yma aycactapas ruraspas purircan quaquinin llacta huacacunactapas yachascanhuan allcuchospa.
chaysi huc mitaca huc huarmi quecatac cauillaca sutioc carcan cay cauillacas canan viñay donzella carcan panas ancha sumac captin, Pi maycan huaca villcacunapas Puñosac ñispa munapayarcan chaysi manatac hunircancho. Chaymantas canan quepanpi chay huarmica chay hina mana pi caritapas chancaycochicuspa huc yura rucmap siquinpi ahuacorcan chaysi chay cuniraycaca amauta cayninpi huc pisco tucospa chay yura rucmaman vichay rirca chaysi chaypi huc rucma chayasca captin chayman yumayninta churaspa hormachimurca chay huarmi cayllaman chaysi chay huarmica ancha cusicuspa millpuycorcan chaysi hinalla chichu tucorcan mana carip chayascan iscon quellanpi himanam huarmicunapas huachacon hina huachamurcan yna donzellatac chaysi quiquillantac huc huata chica ñoñonhuan causachircan pip churinh cayca ñispa chaysi ña huc huataman huntaptinca taua chaqui ña chay huarma puriptinca tucoy hinantin huaca uillcacunacta cayachircan yayanta ricsiconcanpac chaysi cay simicta huacacuna huyarispa ancha cusicuspa tucoynin alli pachanta cama pachallispa ñocaptapas ñocactapas munahuanca ñispa hamurcancu.
chaysi cay tantanacoyri anchicuchapi carcan maypim chay huarmi tiarcan chayman hinaspas ña tucoynin hinantin huacacuna uillcacuna tiaycuptinsi chay huarmica ñispa nircan ri coy caricuna apucona ricsicoy cay huahuacta mayquen niquechicmi yumahuarcanquichic camcho camcho ñispas sapanpi taporcan chaysi manatac pillaspas ñocapmi ñircancho chaysi chay ñiscanchic cuniraya uiracochaca manyallapi tiacuspas ancha huacchalla yna tiacuptinsi chay huacchap churincho canman ñispas paytaca millaspa mana tapurcancho chica sumac cama caricunaca tiaptin chaysi mana pillapas ñocap churimi ñispa ñiptinsi chay huamracta ñispa ñircan ri cam quiquique yayaiquicta ricsicoy ñispa ñircan huacacunactapas churique caspaca cam hahuam llucamusonque ñispa ñaupactac uillaspa chaysi chay huarmaca manyamanta callarimuspas tahua chaquilla purispa hasta chay huc manyan yayan tiascanman chayascancama mana pillamanpas llocarcancho chaysi ña chayaspaca tuyllapuni ancha cusicuspa yayanpa chancanman llocaycorca chaysi mamanca chayta ricuzpas ancha pinacospa hatatay chay hina huacchap churintachum ñocaca huachayman ñispan chay huahuallanta aparicuzpa cochaman chicacharcan chaysi chay cuniraya uillacochaca tuylla munahuanca ñispa cori pachanta pachallispa tucoy huacacunapas manchariptin catita ña callarircan ñispa pana cauillaca cayman cahuaycumu' ay ancha sumac ñam cani ñispas pachactapas hillarichispa sayarcan chaysi chay cauellacaca mana huyantapas payman ticranchispa cochaman hinallam chincasac chica millay runap cacha çapap churinta huachascaymanta ñispa checacharcan, maypim cananpas chay pachacamac huco cochapi cananpas sutilla iscay rumi runa hina tiacon chayman chaysi chay canan tiascanpis chayaspalla rumi tucurcan.
chay mantas cay cuniraya uiracochaca pana ricu(ri)munca cahuaycumuanca ñispa caparispa cayapayaspa carollapi catircan chaysi ñaupac huc condorhuan tincorcan chaysi huaqui maypim chay huarmihuan tinconqui ñiptinsi cayllapi ñah cam tarinque ñiptinsi ñispa ñircan camca uinaymi causanque tucoy hinantin sallca cunamanta huañuptinca huanacuctapas uiconactapas yma ayca cactapas camllan micunque chaymanta camta pillapas huañochisonque chayca paipas huañuncatacmi ñispas ñircan.
chaymantas chay haua añashuan tincorcan chaysi pana maypim chay huarmihuan tinconque ñispa tapuptinsi payca ñispa ñircan mana ñam tarinquicho ancha caructam rin ñiptinssi camca chay uillahuascayquimanta manam punchaopas purinquecho tutallam runapas chicñiptin ancha millayta asnaspa purinque ñispa ancha millaypi ñacarcan chay hauam Pumahuan tincorcan chaymi payca cayllactaracmi rin caylla ñam hihepayconque ñiptinmi paytaca camca ancha cuyascam canqui llamactapas huchayucpa llamantaracmi micopunque camta huañochispapas aton liestapiracmi homan haua churaspa taquechisonque chaymanta huatanpi camta llocsichispari huc llamanta nacasparacmi taquechisonque ñispa ñircan chaymantam ñatac huc hatochuan tincorcan chaymi chay atocca ancha caructa ñam rin mana ñam tarinquicho ñispa ñiptinmi camtaca carupi puricuptinquitacmi runacunapas chacay hatoc acoylla ñispa ancha chicnisonque huañochispari yancam camtaca carayquictapas husuchisonque ñispa ñircan.
hinatacsi huc huamanhuan tincorcan chaysi chay guaman ñircacan cayllataracmi rin ñah cam tarinq(ue) ñiptinsi camca ancha cusiocmi canqui micuspapas ñaupacracmi quinticta armuçaconqui chaymantari piscocunacta huañuchispari camta huañuchic runam huc llamanhuan huacachisonqui ynaspari taquispapas homampim churasonqui chaypi sumaspa tiancayquipac.
chay hahuan cay horitocunahuan tincorcan chaysi chay horicuta ancha caructa ñam mana ñam tarinquicho ñiptinsi camca ancha caparispa purinq(ue) micoyniquicta husachisac ñiptinquipas chay capuriñiquita huyarispan ancha hutcalla carcosonqui chaymi ancha ñacarispa causanq(ue) runapas chicniptin.
Chaymantari pi maycan alli uillacochuan tincospaca allicta çapa camaycospas rircan mana allicta uillacnintare millaypi cama ñacaspas rircan chaysi cochapatapi chayaspaca .
Pachacamacñicman cutimurcan chaysi chaypica pachacamacpapac iscay sipas churin machachuaypa huacaychascan tiacman chayamurcan chaysi cay yscay sipaspa mamanca ñaupacllantac cocha hucoman chay cauellaca ñiscacta visitac yaicurcan sutinpas hurpayhuachac sutioc cay hillaptinsi chay cuniraya viracochaca chay sipasta yuyacninta puñochircan chaysi huquin ñañantauan puñoyta munaptinsi chayca huc urpai tucospa pauarirca chaymantas mamanpas hurpaihuachac sutioc carca.
chaysi chay pachaca cochapi manas huc challuallapas carcancho chay hurpaihuachac niscallas huasinpi huc huchuylla cochallapa huyhuacuc carca chaytaschay cunirayaca piñaspa ymapacmi chay cauellaca ñisca huarmicta cocha ocumanta visitac rin ñispalla tucoyninta hatun cochaman vischoricurpan chay mantaracsi cananca challhuacunapas cochapi huntan chaymantas chay cuniraya viracocha ñiscaca miticamurca cocha patañictq chaysi chay hurpaihuachac ñisca huarmica huahuancuna ynam punuhuan ñispa uillaptinsi ancha piñaspa catimurcan chaysi cayapayaspa catiptinsi ho ñispa suyarcan chaysi husallayquicta husascayque cuni ñispas husarcan chaysi ña husaspa pay callapi huc aton cacacta uiñarichircan chayta cunirayacta hurmachisac ñispa chaysi payca hamauta cayñinpi musyacuspa aslla ysmayco cumusac pana ñispalla cay llactacunaman ñatac miticamurcan chaysi cay quitipi ancha hunay puricorcan ancha ahca llactacunacta runactapas llollachispa.
What happened to the Indians in ancient times when the ocean overflowed.
Como passo antiguamente los y.os quando recuento la mar.
Chay simire caymi ñaupaspachas cay pacha pucho cayta munarcan chaysi mamacochap pahcya munanta yachospas huc orco llamaca ancha allin queuayucpi chayllamayoc cama chiptintac mana micuspa ancha llaquecuc yna carca(n) yn.yn. ñispa huacaspa chaysi chay llamayucca ancha piñaspa harap curumtayninhuan chucllo micucuscampi chucarca micoy allco chica quehuapim çamachisque ñispa chaysi chay llamaca runa yna rimarimuspa ñispa ñircan: sutic ymactam cam yuyanquiman cananmi pihcca punchaumanta cocha pahyamunca chaymi hinanti pacha pochocanca ñispa rimarirca chaysi: chay runaca ancha mancharispa himanam cason may man rispam quispison ñispa ñiptinsi haco uillcacoto surcoman (.) chaypim quispison pihcca punchaupas micuynisquicta apacoy ñispa ñircan: chaysi chay mantara chay orco llamantapas vinay nintapas quequen apaspa ancha hutcaspa rircan chaysi ña villcacoto hurcoman xhayaptinca tucoy animalcuna ña huntasca pomapas hatucpas huanacopas condorpas yina ayca animalcunapas chaysi chayruna chayaptin pachalla cochaca pahcyamurcan chaysi chaypi ancha quihequi nacuspa tiarca tucoy hinantin orcocunactapas tucoy pampaptinsi chay uillcacoto hurcolla aslla puntallan mana yacup chayascan carca chaysi hatucpac chupantaca yaco hucocharcan chaysi chay yanamanpas tucorcan chaysi pihcca punchaomantaca ñatac yacuca huraycurcan chaquerirca chay chaque ñispas cochactapas asta hurayman anchurichircan runacunactari tucoy hinantin runacta collo chispa chaymantas chay runaca ñatac mirarimurca chay cacai canancama runacuna tian cay simictam canan xp.nocuna hunanchanchic chay tiempo del obioctas paycunaca hina uillcacutorta quispis canta hunanchacon.
How the sun disappeared for five days.
Como el sol desaparecio cinco dias.
Chaymantam huc simitatac uillason ponchao huañuscanta ñaupa pachas ynte huañurcan chaysi chay huañuscanmanta pihca punchao tutayarcan chayssi rumicunaca pay pura huactanacurcan chaymantas cay mortero ñuhcacunari chaymanta chay maaray cunapa runacta micuyta callarircan llama horco cunare ynatac runacta ña catirircan caytam canan ñocanchic xp.anocuna hunan chanchic jesu xp.to apunchicpac huañuscanpi tuta yascantas caycuna cariman ñispa hunanchanchic yachchari chay.
How in ancient times Paryaqaqa appeared on a mountain named Kunturqutu in the form of five eggs, and what followed.
Como antiguam.e parecio Pariacaca en un cerro llamado Condorcatosin ucuo sr y lo que sucedio.
Cay mantam ñatac pariacacap paca rimuscan callarinca ñam hari cay ñaupac tahua capitulopi ñaupa pacha causas can cunacta uillanchic hichaca cay runacunap chaypacha pacarimuscan cunactam mana yachanchiccho may mantas pacarimurcan chaymanta cay runacuna chay pacha causascuna capay Pura auca nacuspa atinacuspallan causas carcancu Cura canpacpas sinchi cunallactu rricocunallacta ricsi corcan cay cunactam Puron runa ñispa ñischic (ñihchic) cay pachapim chay pariacaca ñisca condorcotopi Pihcca runto yurimurcan cay yuriscantam huc runa huaccha llatac Guatya cori sutioc pariacacap churin ñiscatac ñaupacllaricu morca yachamurca cay yachascantari ahca misterio rusascanta huanmi rimason.
chay pacha cay huatyacuri ñisca huacchalla micuspapas huatyacuspalla causaptinsi sutiochircan huatyacurim ñispa chay pachas huc runa tamta ñamca sutioc ancha capac aton apo carca huassimpas tucoy hinantin huassin cassa cancho ñisca ricchaccuna pisco cunap ricranhuan catascas carcan llamanpas quillo llama puca. asol llama yma ayca ricchac cama llamayocsi carcan chaysi cay runacta chica allicausas canta ricuspas tucoy hinantin llactacunamanta hamuspa yupai charcanmu carcan chaysi Payri ancha yachactucospa pisso yachas canhuan ancha ahca runacunacta llollaspa causarcan chay pachas yna amauta tucoc dios tucoc caspatac chay runa tamtañamca sutioc anchamillay suncoyta tarircan chaysi ancha ahca huata soncoptinsi hima hinan chica yachaccamac caspatac soncosi ñispa runacunapas chay pacha rimarcancu chaysi chay runaca alli yasac ñispa ymanam Viracocha cunapas amautacunacta doctorcunacta cayachin chay hina tucoy yachaccunacta sauiocunacta cayac hircan chaysi manatac pillapas yacharcancho chay soncoscanta.
chaysi cay huatyacurica chay pacha.ura.cocha ñumanta hamuspa may pacham sieneguilloman suraycomunchic chay sorcucta chay piscoñomusca chay sorcom canan latauzaco sutioc chaypi poñoptinsi huc hatocca uramanta amusca hocri hanacmanta amuscatac chaysi chaypi pactalla tincuspas huauque hima ynallam hanac villcapi ñispa tapurcan chaysi allica allem ychaca huc apom anchicochapi villca checa yachac tunoc dios tococmi ancha huncon chaymi tucoy amautacuna taripan pachacta yma mantam chica suncon ñispa chaymi manatac pillapas yachancho soncos canta chaymi chay honcuscanta huarminpa pincayninmanmi camchacuptin huc mura sara callanamanta pah yamuspa chayicurcan chaytam ñatac pallaspa huc runaman cara curca chay carascan mantam chay runa micochuan hochallicoc na tucon chaytam canan pachaca huachucta ña yupan chay mantam cay hochamanta huc machac huay chay chicasumac huasin saua paycunatamicoc tian huc ampaturi yscay cana umayoc maraynin hocopi tiantac cay micucnintam mana pillapas musyancho ñispas villarcan chay hatoc horamanta amucta chaysi ñatac paytari huanqui chayca hura villcapi hima hinallam runacuna ñispa tapurcan chaysi payri hinatac villarcan huc huarmin aton apo villcap churinmi sullomanta ñasca huañun ñispa cay caycunacta villanucuptinsi chay huatyacuri ñisca suyorcan chay chica aton apo dios tucospac suncoscap tunas yscay churiyoc carcan chaysi huc yuyac nintaca huc yuyac nintaca yuc ayllonhuantac ancha rricohuan tinquichircan chaysi cay huaccha huatyacuri ñiscaca chay pacha soncoptin chayapoman chayarcan chaysi chayaspas huaticayllapi tapoyca charcan manacho cay llactapi pillapas honcon ñispa chaysi chay quipan sipas chorinca yayaimi honcon ñispa villarcan chaysi ñocahuan cason cam rayco yayaiquicta alliya chisac ~nispa vilcarcan cay huarmip sutintam mana yachanchiccho ychaca caytas quepampi chaupi ñam cacta ña suti achircan chaysi chay huarmica manatuy llacahu ñircancho chaysi yayontaca yaya caypim huc huaccha yayaiquicta alli yachisac ñimuan ñispa villarcan chaysi cay simicta hoyarispas chay sauiocuna tiacca aticorcan ñocacunapas alliyachipticho chay huaccharac alliyachinman ñispa chaysi chay apoca alliyaininta anchamunaspas hamuchontac yma yna runallapas ñispa cayachircan chaysi cayachiptin cay huatyacuri ñiscaca yaicuspa ñispa ñirca yaya alliyaita munap tiquica alliyachis cayqui hechaca churiquictamca anqui ñiptinsi paica ancha cuticuspa allitacmi ñispa ñircan chaysi chay ñaupac churinpa cosanca cay simicta suyarispas ancha piñarcan himapacmi chay huc huacchahuan tinquichisac ñispa ñin ñocachica capac pacco ña dayta ñispa.
cay runa piñacucpa huatyacurihuan aucanacuscantam cay saua villason cananca chay huacchap huatyacuri ñiscap anpiscanman ñatac cotison.
Chaysi cay huatyacurica ampista ña callarircan yayan huarmiquin huachu ñispa chay hina huachuc captinmi camta soncochisonqui camta micucri cay chica collanan huasique sahuam yscay machac huay tian chaymantam ampatori yscay somayoctac maray hucopitian caycunactam caran tucoyninta hua ñochison chaymi alliyanqui chaymantam ña alliyaspan tucoy hina aycacta yallispa ñocap yayaita muchanqui caya minchallam yuri munca camca manam ari camac runacho canqui camac runacaspaca munam ari sonconqui mancho ñispa ñiptinsi ancha mancharirca chaysi ña chay huasinta chicasumacta Pascasac ñiptinsi ancha llaquicorcan.
huarminsi hinatac yancam cay huaccha acoylla ñihuan manam huachuccho cani ñispa capa rircan chaysi chay runa soncucca alliyaininta ancha munaspas huasinta pascachircantac chaymantas yscay machac huayta hurcorcan ynaspa huañochircan; huarmintari hinatac suti villarcan ymanam chay huc muro sara pahya muspa pincayninman chayaicorcan ynaspa ñatac pallaspa runacta cararcan chaycunacta chaysi chay huarmipas quipanpica ancha chicanmi ñispa tucoyta villa carcan chaymantas ñatac marayninta atarichircan chaysi chay hucomantaca huc ampato yscay somayoc llocsi muspa chay anchi cucha huaycoman hpahuarircan chaypis canan cama tiacon huc Pucuypi chay pucyuscanan chaypi runacuna chayaptinca ña ñispa chincachin ña ñispa locotapas ruran.
cay tucoy ñiscanchiccunacta ña pucho captinsi chay huncuc runaca alliyarcan ña alliyapuptinsi chay huatyacuri ñiscaca ponchaoninpi huc mita condorcotoman rircan chaypis chay pariacaca ñisca huacaca pihcarunto tiacorcan chay cay llacupis canan huayrapas pucorircan chaysi ñaupi pachaca manas huayra ricurircancho chay manrinan captinca ponchaoninpis chay alliyac runaca sipas churinta corcan chaysi yscaynillan chay sorco quiticta purispa hochallicorcan.
cay hochallicoscanta ña chay huc ñaupac masan hoyarispas ancha pin cayta rurasac chay huacchacta ñispa yalinacoyta ña callarirca chaysi huc ponchao chay runaca huanqui camliuan yallinacuson ymahuanpas cam huaccharaccho checa capaspa conan dayta huarmiyan quiman ñispas ñircan chaysi chay huacchaca allitacmi ñispas yaianman cay hinam ñishuan ñispa villacoc rircan chaysi payca allitacmi ymata ñiptinpas tutuyllam ñocaman hamuanque ñispa ñircan cay yallinacoysi hinacarcan.
huc ponchaosi upyaiguan ynaspa taquihuan yallinnacuson ñispa ñircan. chaysi cay huaccha huatyacuri ñiscaca ya yanman villacocrircan chaysi ri chay huc sorcoman chaypim huanaco tucospa huañusca siriconqui chay mitu talla mantam ñocacta ricoque huc hatoc añas huarminhuan hamunca chaymi huc huchoylla porongollapi ashuanta apamunca ynaspa tin yantapas apamuncatac chaytam canan camta huañusca huanacucta ricuspam chaycunantapas puchapi churaspa atucri anta anta churaspatac micoyta ña callari sonqui chaymi camca runa tucospa anchananacta caparispami pauarimunqui chaymi paicunaca chay nintapas mana yuyaspami ticaptinmi chayta apaspa yalli nacoypacrinqui ñispas yaian pariacaca villarcan.
chaysi cay huacchaca ñiscan cama rurarcan chaysi ña yallinacospaca ñaupactinsi chay runa rrico ñisca taquircan chaysi huarmicunapas ñahca yscay pachacchica taquipuptinsi ñaipai pochocaptin chay huacchaca yaycorcan sapallan huarmillanhuan yscaynillan chaysi poncota yaicospatacsi chay añaspahuan carninta apamuscanhuan taquiptin tucoy chay pachapas cuyurcan ynaspas chayhuanpas tucoyta yallircan chaysi ñatac upyaita callarincan chaysi ymanam canampas corpacuna anacmanta tiamun chay hinas çapallan huarmillanhuan tiamurcan chaysi chay runacunaca tucoy hinantin tiaccuna ancosamurcan mana samachispa chaysi paica tucoyta upyaspapas manallaquispa tiacorcan chaysi ñatac pairi chay huchoylla poroncollapi ashuan apamurcanhuan ancusayta ña callarircan runacunapas chica ochoyllapicho chica runacta sacsachinman ñispa asipayaptin chaysi paica manyanmanta anco samuspa sapampi tuyllatuylla hurmachircan.
chaysi cayantin ñatac huc yallinacoyta atipaptin munarcan cay yallinacoysi huallparicoy carcan ancha allin cassa ñiscanhuan cancho ñiscanhuan chaysi cay huatyacuri ñiscaca ñatac yayanman rirca chaysi tuc razo pachacta yayan cacamurcan chay huansi tucoy runacunatapas ñauinta rupachispa atisiarcan chaymantas ñatac pomacta aparispa yallinacoson ñispa ñircan chaysi cay runaca pomancunacta aparispa yallita munarcan chaysi chay huacchaca yayan villaptin tutallamanta huc pucyomanta puca pomacta apamurcan chay puca Poma huansica ran taquiptin ymanam canan huc arco sielo ñispi llocsin chay hina llocsiptin taquircan.
Chaymantas canan ñatac hua si pirca coyhuan yallinacoyta munarcan chaysi chay runaca ancha ahca runayoc caspa huc ponchaylla atun huasicta ñasca tacochircan chaysi cay huacchaca ticsillanta churaspa tucoy punchao huarmillanhuan poricorcan chay tutas canan tucoy piscocuna chaymanta machac huaycuna yma ayca pachapi cas cunas pircarcan chaysi cayaca ña tucoscacta ricuspa ancha mancharircan chaymanta catanampipas hinatacsi yallircan ocsantapas tucoy huaracocuna viconan conas acta murcan chay runaptari llamanhuan chac na cumuptinsi oscullocta mincaspa huc cacallapi suyaspa mancha richispa tucoyta destruyirca hurmachircan chay huanpas hinatac yallircan.
cay tucoyta yallina cuspas quipampica cay huaccha ñiscaca ñispa ñircan yayanpa si mincama huauqui ñam chica ahca mita campa simiquicta sonispa yallinaconchic cananca ñocap simistapas honinhuaytac ñispa ñiptinsi allitacmi ñispa hoñircan chaysi ñispa ñircan cananca ancas cusmayoc chaymanta huaranchicri yurac hutco cachon hinalla taquison ñispa ñiptinsi allitacmi ñircan chaysi chay runaca ñaupacmantapas Payrac ñaupac taquic caspas taquircan ña taquiptinsi chay huatyacuri ñiscaca hahuamanta capurispa callparimuctinsi chay runaca mancha rispa huc lloycho tucospa miti carcan chaysi huarminpas cosallay huantac huaño sac ñispa catirircan chaysi chay huaccha ñiscaca anchapi ñaspari sutic cammi chica huatoyca huar canquichic ñispa camtaca huaño chiscayquim ñispas catirircantac chaysi catispa huarmintaca anchicocha ñampi apispas caypim ynantin runa hanacmanta huramanta hamuc Pincaynisque tari cupaya sonqui ñispas huray çinta humanmanta sa yachircan chaysi tuylla pachampitac rumi tucorcan chay ricmis canan camapas himanam runap chancan hina chancayoc racayoc tian chaytas yman campachari cocacta chay sauachurapon canancamapai.
Chaymantas chay lloycho tucoc runaca hinallatac chay surucucta sicaspa chin carcan chay lloychos canan ñaupa pachaca runamicoc carcan quipampis canan ña ahca lloycho caspas yma ynam runacta micosonchic ñispa cahchuracorcan chaysi huc huahuallanca simi ynam runa mico huason ñispa pantarcan chayta soyarispa lloycho conaca chiquirircan chaymantas lloychopas runap miconan carcan.
cay ñiscanchic cunacta ña pucho captinsi pariacaca ñiscaca pihca runtomanta pihca huaman pahyamurcan chay pihca huamansi ñatac runaman tucuspa puri rircan chay pachas ancha chay cunap runa rascancunacta uyarispa ymanam chay runapas sutioc diosme cani ñispa mucha chicorcan chay chay huchancunamantas piñaspa tamya hatarispa mamacocha man tucoy hinantin huasintahuan llamantahuan aparcan mana huc llactapas quispi chispa chaymanta chaypa chatacsi cay llantapa surcomanta huc pullao sutioc chay huc urco vichoca ñiscahuan apinacorca arco hina chay pullao ñiscas ancha atonsacha carca chay sauas cusi llupas caquipas yma ayca ricchacuna piscocunapas tiacoc carcan chaycunacta huansi tucoy hinantinta cochaman aparcan cay cunactas ña pocho caspa ñatac pariacaca hanac canan pariacaca ñinchic chayman vichay corca chay vichay coscantam cunan quipan capitulopi rimason.
How Paryaqaqa was born as five falcons and then turned into persons, and how, already victorious over all the yunka of Anchiqucha, he began to walk toward Paryaqaqa Mountain, and what happened along the way.
Como Pariacaca naçio cinco alcones y despues torno en perss.a y como estando ya veneidor de todos los yungas de anchicocha empeço a caminar al dho Pariacaca y lo que sucedio por los caminos.
ña pariacaca Runaman tucuspas aton ña caspa enemigonta mas cayta ña callarircan chaysi chay enemigonpa sutinri huallallo carvincho carcan runacta micochuppac cay tam cay quipampi churason atina curcantahuan ñam hari chay huallallo carvinchup causas cantaca runamicascanta huapas yma ayca ruras cantauanpas ñaupac capitulopi rimarcanchic canami rimason huarocheripi chay chay quitipi rurascancunacta chay simire caymi.
ña pariacaca haton runa caspas hanac pariacaca ñiscaman huallallo caruinchup tiascanman rircan chaysi huarocheri chay hura huaycupica huc llacta huay qui husa sutioc yuncap llactan carca chaysi chay llactayoc runacunaca chay pacha haton fiestacta ruraspa haton upiayta upyarcancu chay hina upia cuptinsi pariacaca ñiscaca chay llactapi chayarcan chayaspas payca runacunap manyallanmanta tiacorcan huaccha ynalla chay hina tiaptinsi chayllac tuyoc runacunaca mana hucllapas ancosarcancho tucoy punchao chay yna captinsi huc huarmica chay llacta yuctac añam yma ynam chay huacchallactaca mana ancosayconcho ñispas huc haton yurac potohuan achuacta apamuspa corcan chaysi payca pani ancha cusiocmi canqui cay ashuacta (c)omusspa canan punchaomanta pihccantin ponchao ninpi himactas cay llactapi riconqui chay rayco chay ponchaoca amatac cay llatapi tianquicho caro llamantac anchorinque pactas camtauan huahuay quictaran pantaspa hua ñochiquiman anchay cay runacuna ñocacta piñachihuan ñispas chay huarmicta ñircan chaymantari cay runacunactari amatac huc simillactapas hoyari chicho oyari chip tiquin camtahuanmi huaño chiquiman ñispas ñircan chaysi chay huarmica huahuancunahuan turancunahuan chay pihca ponchaomanta chay llactamanta anchoricarcan chaysi chay llactayoc runacunaca manalla quispa upia corcancu.
chay pachas cay pariacaca ñiscaca guarocheri hanacnin chay huc raymin huc horcom puypuhuana sutioc maytam caymanta rispa huarocheriman hurayconchic chaycunan cay hina sutioc chay orcopis canan chay pariacacaca haton tam yayta ña callarircan chaysi quillorunto pucarunto hatarispas chay runacunactaca tucoyninta mamacochaman aparcan mana huc llactapas perdonaspa chay pacha chica yaco lloclla purispas chay huarocheri anacnincuna huaycucunactapas rurarcan chaymantas canan ña chaycunacta pucho caspas chay llactayoc huaquiñin yuncacunactaca mana rima payaspa paycunari chay taricuspapas mana musyaptin yachaptinsi chay chipa ñic cuparap chacran canaman ripurcan chaysi canan chay llactayoc cupara runacuna ancha yaconmanta ña carispa pucyo llamanta chacranmanpas posaspa causarcan cay pucyum canan sn lorenço hanacnin aton orcomanta llochircan chay orcum canan sunacaca sutioc chaypis canan hatonco challa carcan chaymanta huray pusamuspasnantac huchilla cochacunaman honta chispa chacrancunacta parcocuc carcan.
chay pachas chay llactayoc huc huarmin chuqui suso sutioc carcan ancha sumac huarmi chaysi cay huarmica sarancuna ancha chaquiptin huaca cospa parco corcan yacon ancha pisicaptin chaysi chay pariacaca cachay taricuspa chay huchoylla cochanta yacollanhuan chay cochap siminta quirpas coporcan chaysi chay huarmica ñatac ancha nanacta huaca corcan chay hinactaricuspa chaysi chay pariacacaca pani ymactam chica huaranque (?) nispa taporcan chaysi payca cay sarallaymi yacumantacha quipuanyaya ñispa ñircan chaysi pariacacaca ama llaquicho ñocam yacuctaca cay cochay quimanta ancha ahca yacacta llocsi chinuasac hichaca camhua ñaupac yac puñoson ñispa ñircan ñiptinsi canan payca ñirca ñaupacras cay yacocta llocsichemuy chacray parcusca captinca allitacmi puñoson ñispas ñircan chaysi allitacmi ñispa yacoctaca ancha ahcacta llocsichimurcan chaysi chay huarmipas ancha cusicospa tucoy chacrancunacta parco corcan chaysi ña parcoyta pucho captinca puñoson ñispa ñircan chaysi manam cunaca cayamincharac poñoson ñiptinsi pariacacaca ancha chay huarmicta munaspa puñoy manarac ñispas yma aycactapas chay huarmiman pro mi tircan cay chacraiquicta mayomanta yacuyuctam rurapus cayque ñispa chaysi chay huarmica chay tarac ñaupac ruray chay rac puñason ñispa ñircan chaysi pariacacaca allitacmi ñispa.
cocochalla sutioc huaycumantas sn lorenço anacnin huchuclla surco chay camaca ñaupa mantapas yuncacunap rarcansi homurcan ancha huchuylla rarcalla chaytas canan pariacacaca astahuan haton yachispa chay suracuparap chacrancama rarcacta chaya chircan chay rarcactas canan pumacuna hatuccuna machac huaycuna yma ayca piscocuna picharcan allicharcan cayta ña alli chaypacmi cay pumacuna otuncoyopas yma aycapas pim ñaupac siqueson ñispa camachinacorcan chaysi hucpas hucpas ñocarac ñocarac ñispa ñircancu chaysi hatoctac atiparcan ñocam curaca cana ñocarac ñaupasac ñispa chaysi pay atoc ñaupa murcan yna ñaupamuspa pian chaypicta sn Lorenço hanacnin hurcucta seque muptinsi concayllapi huc yutuca piscpisc ñispa pahua rimurcan chaysi chay hatoc ca huac ñispa muspaspas huraman hurma murcan chaysi chaymanta chaycunaca ñatac ancha piñaspa machac huayta seque chimurcan chaysi mana chay hurmamuptinca astahuan hanastintas chayrarcanin rinman carca chaysi cunaca as huranta rincay atocpa hormamuscanmi canan camapas sutilla ricurin yacupas huray cumuntac.
chayatocpa vinastanta cay tucoyta pucho cospam ñatac pariacacaca puñoson ñispa ñircan chaysi ñatac haco anac cacaman chay pirac puñoson ñispa chircan chay cacam canan yanacaca sutioc chaypis huaque puñorcan ñapuñospas canan chay huarmica haco yscay ninchictac maytapas rison ñiptinsi paica aco ñispa chay coco challa ñisca rarcap llocsimuscanman pusarcun chaysi chaypi chayaspaca chay huarmi chuquisuso ñisca sutiocta cay rar caypitac tiasac ñispas chaypi rumitu cuspa chira yarca chaysi chay pariacacaca chaymantata quispa hanacman vichaycorcan chay taca cay quipanpin cillason cay coco challa ñisca rarcap siminpim canan rumi chira huarca tian chay chuquisuso ñisca huarmi ynaspam chay hanacnin huc rar capimtacmi chay pachapas vincompa sutioc pim canan ñatac cuniraya chira huascatac tian chaypim canan cuniraya pochocarcan ychaca yma ayca rurascanta(ca) cay huaquin quepanpi capitulocunapim villason.
How the Kupara people revere the one called Chukisusu even to this day.
Ymanam chay Cuparacuna chay Chuqui Suso ñiscata canan camapas yupaychan.
cay cupara cunam huc ayllo cupara ñisca ayllo sutioc caycunam canan Sn Lorençopi reduzisca canan camapas causan cay ayllo mantam canan huc yumay chauincho sutioc cay chauincho ayllom carcan chay chuquisuso ñisca chaymi caycunaca ñaupa pacha ña may pacham rarca pichana carca mayo quellapi canan camapas chay pacham tucoy hinantin runacuna chay chuquisuso ñisca huarmip tiascan man rircancu assuanhuan tictinhuan cuynhuan llamanhuan chaypi chay supay huarmicta muchaypac chaymi ña chayta muchaspari pihca ponchaosi chaypi quis huaruan quenchaspa runacunactapas mana purichispa chaypi tiapayarcan chaysi pocho caspas chaymanta taquispa runacuna hamurcan huc huarmicta(n) caymi chuquisuso ñispa payta yna alli manchaspa chaopi pe pusa murcancu chaymi ña llactanpi chay huarmi chayaptinri caymi chuqisuso ñispa huaquen ashuahuan ymauan churapas pasuyarcan chaypi tucoy hinantin tuta taquispa upiaspa runacuna ancha aton fiestacta rurarcancu chaymantam ñaupa don Sebastian apo causap tinpas corpus Xp.tipi aton pascuacunapi pahua huarmi chuqisusom cani ñispa haton aquellahuan aton poto huanpas ashuacta manyanmanta cumuc carcan caymi maman chicpac ashuan ñispa chay mantari saractapas camchas cacta aton matihuan taccumuc carcan ña cay rarcacta pichayta pucho camas pari runacunacta ancha puñis combidac carcan saracta puro tucta yma aycactapas cuspa.
cay yna vinaycac orptiansi runacunapas ñam chuquisusup rarcanta pichan hacc ricumuson ñispa huarocherimantapas tucoy llacta cunamantapas riccarcan chaytam canan ña rarcacta pichaspaca musias caynatac ruran muchan runacunari yma yna ruracuptinpas alcadepas yma ayca runacunapas manam yma raycom chay hina ruranque ñispa amachan mancho canan camapas porque yallinracmi payhuan taquen upian machas cancama pactari rarcactam picha muni pa taque(?) cusac upiacusac ñispanllo llachen.
caytaca tucoy hinantin runacusnam ruraytaca ruran ychaca huaquiacu mana ñam rurancho alli peoc caspa huaquenri pacallapica ynatac canan camapas causancu.
How Paryaqaqa ascended, how one man came back with his child by following Paryaqaqa's commands, and, finally, how he struggled with Wallallu Qarwinchu.
Ymanam Pariacaca vichaycorcan ymanam huc runa chuquinuan Pariacacap simencama cutimurcan chaymantari ymanama tima corcan - huallallo caruinchouan.
ñam ari huallallo caruinchop causas cantaca villarcanchic ychaca caypa tiascantam llacta chacuscantam manari marcanchiccho chaysi cayca ñaupa pacha hanac pariaca ñicpi tiarcan chay tias campas sutintam mana allicho yachanchic cananca mullococha sutioc ña captin porque pariacacam payta atispa chay huallalloca nina rupaptin chayta huañochipac cochaman ña tuco chircan chay mullococha ñiscanchic pachapis chay huallallop tiascan carca chay pachas canan tucoy hinantin pacha yunca sapa carcan aton ma chac huaypas caquepas yma ayca animalcunapas honaptinsi tiarcan ymanam naupac capi.opi runamicus canta villanchic chay hina chaymantas pariacacaca cay huallallo caruinchocta atipac rispas ocsa patapi pich cartin riuicorcan chay hinca riuiscoptinsi chay pachapas ancha chirircan runtopas horma murcantac paypac pucllas canpi.
chaysi chay pacha huc runaca huaca cuspa hamurcan huc churinta apaspa chaymanta mullontapas cocantapas tuctin cunactapas huallallocta upiachi musac ñispa apaspa chaysi chay pariacacap cap huc ninca churi may manmi yna huaca cuspa rinque ñispataporcan chaysi payca yaya cay cuyas cay churi llaytam canan apani huallallocta caramuc ñiptinsi churiama apay quicho llactayquiman cutichicoy chaymantam chay mulloyquitacaco cay quitaca ticsiquitica ñocacta coay chaymanta churiquitaca cutichicoy ñispa ñircan chay mantari pihcantin ponchaopim cayman catimunqui ñocacta atinacocta ricoypac anchaya anhuan atipaptica yayanchicmi atipan ñispan ñihuanqui ynaspa anchatac ninahuan atipahuanca chayca atipay tucontacmi ñispatac ñin huanqui ñiptinsi.
chay runaca mancharispa yaya manacho chayca huallallo caruincho ñocapac piñaconcañista ñirca ñiptinsi piñaco chonpas manam yma nason quecho yallinracmi ñocaca runacta camasac amiyocta llatayocta huarmictari añasiyocta hucta ca hucta huarmicta ynam camasac ñispa rimaptinsi siminmanta samaynin huc hamo ancash yna llocsimorcan.
chaysi chay runaca chay taricuspa mancharispa tucoy apamuscanta caporcan chaysi chay pihca runaca chay mulloctacapcap ñichispa micorcan tucoy hinantin coscantahuan chaymantas chay runaca cutimorcan churinta apacospa ynaspas ñatac pihcantin Ponchaomanta ñatac chay pariacacap simin cama coritcan ricu musac ñispa chaymantas ña pariacaca pihca ponchao ñiscanmanta chay huallallo caruinchocta atita ña callarircan chay simiri cay hinam pariacaca pihca runa caspas pihca pachamanta tam yaita ña callarirca chay tamyas canan quello puca tamya carcan chaymantas yllapaspa ri pihca pachamantatac ylla parcan chaysi tuta llamanta ña hora pachacama chay huallallo caruinchoca ancha aton niña ñahcusillo ñumanpas chayaspa ruparca mana huaño chichi cospa chaysi chay aca naca pariacacap tamyascan curaca hura cocha ñicman tucoy hinantin yacucona rircan chaysi chay yna manatac yaycuptinsi huquenca hura nicmanta yacucta huc horcucta ormachispa arcamorcan ña arcaycomuptinsi chay yacuca cocha ña tucomurca cay cocham cananca mullococha sutioc chay yna chaycochapi ña yaco hontamuptinsi chaynina rupactaca ñahcapamparca chaysi chay pariacacari chaymanta yllapapa yna manas amachispa ynallas chay huallallo caruinchoca anti ñicman miticarcan chaysi huquenca pariacacap churin ca tircan chaysi chay antip yaicunampi pactah cutimunman ñispa canan camapas chaypi tian caypac sutinmi
chaymantas ña atisptin mana ñamca sutioc huc huarmi carcan cay huallallo caruinchohuan cac supay cay huarmis canan mana oraynin chay chaypi tiarcan cayta atipac hinantac payman amorcan chaysi chay mana ñamcaca ñiscaca ninatac ruparcan chaysi caytum na huranta yaycuspa pariacacaca Auca nacorcan chaysi huc pariacacap churinta chuqui huampo sutiocta chaquinpi huramanta chucamuspa chay achimurcan chaysi yna captinpas pariacacatac atiparcan cocha ñicman carcospa ñacay cunacta atipaspas chay churin chuqui huampo sutioc anca chaquen paquisca tiacucman cotimurcan chaysi chayca amatac cotisaccho ayllamanta chay huarmi mana ñamcacta huacay chasacpai tah cutimunman ñispa ñiptinsi allitacmi nispa yayanca tucoymico nampac pamachiporcan chaysi ñispa ñircan cay iscay huaycocunamantam tucoy runacuna camtarac ñaupac cocacta comusonque manarac pillapas acuspa ñacam acop nr queracmi chayanta runacunapas acoconcan cocanta mallquescanmanta chaymantam llamactari viñay rrua mana hucchacoc callaracmi naca pusonque ynaspa rinrin chillpiscacta cay caycunactaracmi camca viñaypasmi conque ñispas camachirca chaysi runacunaca chay camachiscan simicta yupay chaspa chay cama sacicayamantac sontaymanta chichimamanta mamamanta huayo callamanta sucyacanchamanta tucoy cocayoccuna ñaupacnintaca pay munarac apamoc carcan canan camaps pacallapica ynatacsi causancu.
How Paryaqaqa, having accomplished all this, began to ordain his own cult.
Ymanam Pariacaca ña tucoyta pocho caspa Payta muchachi coypac honan charca callarircan.
Who Chawpiñamqa was, where she dwells, and how she arranged her cult.
Ymanam Chaupiñamca carcan maypim tian ymanam muchachicorcan.